ఇవి మహాసముద్రాల అగాధాల నుంచి ఎడారులు, పర్వతాలు, అమెజాన్ అరణ్యాల మారుమూల వరకూ మనల్ని తీసుకెళ్తాయి.

విన్యాసాలు చేసే గొరిల్లాలు, సముద్ర సింహాలు, దరహాసం చేసే ఎలుగుబంట్లను మనం వీటిలో చూస్తాం.

మారిటైమ్ లయన్…

నమీబియాలోని స్కెలెటన్ కోస్ట్‌లో అలలు ఉవ్వెత్తున ఎగసిపడుతుంటే, ఒడ్డున ఉన్న రాళ్ల మీద కూర్చున్న ఒక ఆడ సింహం సముద్రంవైపు తీక్షణంగా చూస్తోంది.

తాము వేటాడే ప్రాంతాలను వదిలి, ఆహారం కోసం అట్లాంటిక్ మహాసముద్రం వైపు వచ్చిన ఎడారి సింహాల గుంపులో ఈ ఆడ సింహం కూడా ఒకటి.

గ్రీట్ వాన్ మాల్డెరెన్ దీన్ని చిత్రీకరించారు.

ఘోస్ట్ టౌన్ హైనా…

నమీబియాలోని శిథిలావస్థకు చెందిన ఒక డైమండ్ మైనింగ్ టౌన్‌లో సంచరిస్తున్న గోధుమ రంగు హైనా ఇది.

ఈ అద్భుతమైన దృశ్యాన్ని కెమెరాలో బంధించడానికి నేచర్ ఫోటోగ్రాఫర్‌ విమ్ వాన్ డెన్ హీవర్‌కు 10 ఏళ్ల సమయం పట్టింది.